Фæндзай мин сомы дыккаг сывæллонæн. Абон Парламенты депутаттæ хорзыл банымадтой, мадæлон капиталæн æхца канд федералон бюджетæй нæ, фæлæ ма регионалон бюджетæй исыны тыххæй закъоны проект.

Уæлæмхасæн æхца фидын райдайдзысты дыууæ мин фынддæсæм азæй фæстæмæ. Уымæй дарддæр депутаттæ хорзыл банымадтой, мадæлон капитал ныййарджыты ахуырадыл бахардз кæныны тыххæй закъоны проект. Дыккаг бакастмæ бацæттæ кодтой ивддзинæдтæ цалдæр закъоны проекттæм «Республикæйы æппæтадæмон æмæ æддагон экономикон бастдзинæдты», «Бæлццæттæ рог такситы ласыны», æмæ «Адæмон æрмдæсныйады» тыххæй. Депутаттæ ма базонгæ сты, æхцайыл чи хъазы, уыдоны бæрнондзинады тыххæй федералон хъæппæрисимæ. Парламенты сæрдар Хабыцты Ларисæ куыд загъта, афтæмæй ацы куыст æнæзакъонæй чи кæны, уыдоны хъæуы уголовон æгъдауæй æфхæрын.