Абон йæ æвдай фондз азы юбилей бæрæг кæны Уæрæсейы сгуыхт тренер Цæлыккаты Муссæ. Кадæджы дзуринаг спортсмен æй хонынц бирæтæ, хъазыдис Орджоникидзейы футболон командæ "Динамо"- йы. Стæй сси тренер. Цыппор аст азы дæргъы Муссæ хъомыл кодта æрыгон футболистты. Ацы бон юбилярæн раарфæ кæнынмæ æрбацыдысты йæ хæстæджытæ, зонгæтæ, хъомылгæнинæгтæ-спортсменттæ.

Цæлыккаты Муссæ авдаздзыд лæппуйæ райдыдта футболæй хъазын. Фынддæс азы йыл куы сæххæст, уæд æй фæхуыдтой Грознайы командæмæ. Уыдис æппæт спортсментæй хуыздæрыл нымад.

Цæлыккаты Муссæ, УФ-йы сгуыхт тренер: "Цæстæнгас, бауарзтой мæ, æмæ мын фæндаг футболы уыдис гом. Дзырдтой иу мын: "Мусик, Динамойæ цæуыс хъазынмæ, цæуын, зæгъгæ иу бакодтон".

1962-æм азы радон хъазты Муссæйæн йæ къах фæцæф ис, уый аххосæй йæ бон нал баци дарддæр йæ уарзон спорты хуызæй архайын. Афæдзы дæргъы йæхи дзæбæх кодта рынчындоны, скодтой йын аст операцийы. Фæлæ ууыл не рлæууыдис. Йæ къæхтыл куы слæууыдис, уæд сси командæ "Динамо"- йы тренер. Командæ ахæм тыхджын уыдис, æмæ-иу суанг Мæскуыйы "Спартак" æмæ Уæрæсейы æндæр командæтæ дæр рамбылдтой. Иу ныхасæй Цæлыккаты Муссæ йæ цард снывонд кодта футболæн.

Цæлыккаты Муссæ, УФ-йы сгуыхт тренер: "Æмæ афтæ бауарзтон футбол, мæ мады уарзт æй кодтон. Ис мын къабæзтæ, æфсымæртæ, хæстæджытæ, уыдон мын сты æмæ цæ уарзын. Фæлæ футбол бауарзтон афтæ, æмæ æвзæр цъымарайæ мæ ласта адæммæ. Ахæм хъуыддæгтæ кæнæн йæ бон у футболæн".

Цæлыккаты Муссæ куыд зæгъы, афтæмæй спортивон коллективы сæйрагдæр сты тренеры æмæ спортсменты ахастдзинæдтæ. Йæ зæрдыл арæх æрлæууынц уыцы адæм, бирæ æзты кæйымæ фæкуыста. Йæ профессионалон куыст зæрдиагæй кæй æххæст кодта, уый руаджы нæ республикæйы фæзынд ахæм сгуыхт тренер куыд - Газзаты Валерий.

Цæлыккаты Муссæ, УФ-йы сгуыхт тренер: "Стæй футбол ныууадзынæн æмæ тренер суон зæгъгæ, уæд йæ сæры бацыдысты хуыздæр хъуыддæгтæ. Кæй разы уыдис, уыцы тренертæ фæзæгъынц: "Валерæйы хуызон иуылдæр куы уаиккой". Уарзгæ кодта футбол, йæ удæй, йæ сæрæй".

Цæлыккаты Муссæ стыр æвæрæн бахаста куыд Ирыстоны, афтæ Уæрæсейы футболмæ. Стыр кад æмæ йын аргъ кæнынц цы спортсменты схъомыл кодта, уыдон. Рох сæ никуы вæййы, уæлдай дæр та йæ гуырæнбоны.

Дзантиаты Райæ