Тымбыл стъолы архайдтой Æхсæнадон æмæ Базарадон-промышленон палатæты минæвæрттæ, стæй Цæгат Ирыстоны промышленон куыстуæтты разамонджытæ.

Куыд загътой, афтæмæй нæ экологи æппæт домæнтæм дзуапп нæ дæтты. Æмбырды нысан уыд иумæйагæй сбæлвырд кæнын лыггæнинаг фарстатæ æмæ ахъуыды кæнын, сæ аиуварс кæнынæн цавæр мадзæлттæ саразын хъæуы, ууыл. Тымбыл стъолы хатдзæгтæм гæсгæ фыст æрцæудзысты амындтытæ æмæ сæ арвитдзысты Цæгат Ирыстоны Хицауадмæ, стæй Уæрæсейы Æхсæнадон палатæмæ.

Æлборты Иван, РЦИ – Аланийы Æхсæнадон палатæйы экологийы къамисы сæрдар, техникон наукæты доктор, профессор: "Горæты дæр ис бирæ лыггæнинаг фарстатæ. Спъирт чи аразы, уыдон сæ кусгæ дон калынц гыццыл дæттæм æмæ ахæм æвзæр уавæры сты æмæ дзы кæсаг нал цæуы. Афтæ дарддæр куы кæнæм, уæд хъуыддаг уыдзææн æвзæр. Уымæ гæсгæ абон æрæмбырд стæм, цæмæй иумæйаг ахъуыды кæнæм, куыд фæхуыздæр кæнæм республикæйы экологон уавæр".